УЛСЫН ОЮУТНЫ ПРОГРАММЧЛАЛЫН XXXII ОЛИМПИАДЫН ТАЙЛАН

Шинэ Монгол технологийн дээд сургуулийн 10 жилийн ойг тохиолдуулан ММЗОЗБХ-той хамтран Улсын оюутны программчлалын XXXII олимпиадыг 2024.05.25 – 2024.05.26-нд амжилттай зохион байгууллаа.

Улсын оюутны программчлалын XXXII олимпиадын хүрээнд бодлогын уралдаан, бүтээлийн уралдаан, ажил олгогчид, оюутан, профессор багш нарын хамтын ажиллагааг дэмжих зорилгоор Job-fair үйл ажиллагааг зохион байгууллаа.

Улсын оюутны программчлалын XXXII олимпиадын бодлогын комисст МУБИС-ийн МБУС-ийн профессор доктор Д.Цэдэвсүрэн, ШУТИС-ийн МХТС-ийн дэд профессор доктор А.Хүдэр, МУИС-ийн МТЭС-ийн багш Г.Гантулга, Мандах их сургууль Mэдээлэл Технологийн сургуулийн багш Ө.Ганзориг, ШМТДС-ийн КУТ-ийн дэд профессор доктор Т.Гантөр, бодлого шалгах автомат систем хариуцаж МУБИС-ийн МБУС-ийн багш Т.Уламбаяр нар ажиллалаа.

Бодлогын уралдаанд нийт 9 их дээд сургууль коллежийн 13 баг оролцож 2 өдрийн турш 6 бодлого бодож асуудал шийдвэрлэх ур чадвараа сорин өрсөлдлөө. Үүнээс МУИС-ийн МТЭС-ийн оюутан Б.Төрхүү 420 оноогоор алтан медаль, МУИС-ийн МТЭС-ийн оюутан Э.Энх-Очир 310 оноогоор мөнгөн медаль, ШУТИС-ийн МХТС-ийн оюутан Л.Гүндалай 290 оноогоор мөнгөн медаль, МУИС-ийн МТЭС-ийн оюутан Х.Цэлмэг 265 оноогоор хүрэл, МУБИС-ийн оюутан Б.Төрбилэг 220 оноогоор хүрэл, МУИС-ийн МТЭС-ийн оюутан Г.Далайцэрэн 220 оноогоор хүрэл тус тус хүртэж МУИС-ийн МТЭС-ийн оюутан Б.Дугаржанцан, ШМТДС-ийн оюутан Б.Мөнх-Оргил, Мандах их сургуулийн оюутан Ц.Одонхүү нар тусгай байрт шалгарлаа.

Багийн дүнгээр Г.Багаболд дасгалжуулагчтай МУИС-1 баг 1-р байр, МУИС-2 баг 2-р байр, Ө.Ганзориг дасгалжуулагчтай Мандах их сургуулийн Infinity баг 3-р байр эзэллээ.

Нийт 9 сургуулийн 13 багийн 39 оюутан оролцсоноос эхний 30 оюутан бодолт хийж оноо авч өрсөлдөөн ширүүн өрнөлөө.

УЛСЫН ОЮУТНЫ ПРОГРАММЧЛАЛЫН XXXII ОЛИМПИАДЫН ГАНЦААРЧИЛСАН ДҮН
	ОРОЛЦОГЧИЙН НЭР	СУРГУУЛЬ	БАГ	A	B	C	ЭХНИЙ ӨДӨР	D	E	F	СҮҮЛИЙН ӨДӨР	НИЙТ ОНОО	ШАГНАЛТ БАЙР
1	Төрхүү	МУИС-1	[muis-1]	100	100	0	200	100	100	20	220	420	Алт
2	Энх-Очир	МУИС-2	[muis-2]	55	100	0	155	100	35	20	155	310	Мөнгө
3	Гүндалай	ШУТИС-01	[shutis-1]	100	80	0	180	0	15	95	110	290	Мөнгө
4	Цэлмэг	МУИС-1	[muis-1]	100	100	0	200	30	35	0	65	265	Хүрэл
5	Төрбилэг	МУБИС	[mubis]	100	100	0	200	20	0	0	20	220	Хүрэл
6	Далайцэрэн	МУИС-2	[muis-2]	55	100	0	155	50	0	15	65	220	Хүрэл
7	Дугаржанцан	МУИС-1	[muis-1]	55	100	0	155	20	35	0	55	210	Тусгай
8	Одонхүү	Мандах-2	[mandakh-2]	100	30	0	130	30	0	0	30	160	Тусгай
9	Мөнх-Оргил	NMIT-1	[nmit-1]	55	100	0	155	0	0	0	0	155	Тусгай
10	Молор	NMCT-1	[nmct-1]	22	90	0	112	20	15	0	35	147
11	Баярбат	Мандах-2	[mandakh-2]	22	80	0	102	30	0	15	45	147
12	Цэлмэг	NMCT-1	[nmct-1]	55	60	0	115	10	20	0	30	145
13	Болд-Очир	NMIT-1	[nmit-1]	55	80	0	135	10	0	0	10	145
14	Сумъяабазар	Мандах-1	[mandakh-1]	55	80	0	135	10	0	0	10	145
15	Билгүүн	МУИС-2	[muis-2]	22	80	0	102	10	15	15	40	142
16	Билгүүн	NMCT-2	[nmct-2]	55	60	0	115	10	0	0	10	125
17	Бумандэмбэрэл	Мандах-2	[mandakh-2]	55	60	0	115	10	0	0	10	125
18	Дөлгөөн	NMCT-1	[nmct-1]	55	10	0	65	50	0	0	50	115
19	Адъяатөмөр	NMIT-1	[nmit-1]	55	0	0	55	10	15	15	40	95
20	Мөнх-очир	ШУТИС-02	[shutis-2]	22	70	0	92	0	0	0	0	92
21	Амарсайхан	NMIT-2	[nmit-2]	0	50	0	50	20	0	0	20	70
22	Сүхбат	ШУТИС-02	[shutis-2]	0	70	0	70	0	0	0	0	70
23	Энхсайхан	NMCT-2	[nmct-2]	0	50	0	50	10	0	0	10	60
24	Мөнхтөр	ШУТИС-01	[shutis-1]	0	50	0	50	10	0	0	10	60
25	Гантөмөр	NMIT-2	[nmit-2]	0	40	0	40	10	0	0	10	50
26	Маралмаа	IUU	[iuu]	0	40	0	40	0	0	0	0	40
27	Мөнхдорж	NMCT-2	[nmct-2]	0	0	0	0	30	0	0	30	30
28	Ананд	IUU	[iuu]	0	10	0	10	10	0	0	10	20
29	Наранбаатар	Мандах-1	[mandakh-1]	0	10	0	10	10	0	0	10	20
30	Энхбаатар	NMIT-2	[nmit-2]	0	0	0	0	10	0	0	10	10

Бүтээлийн уралдаанд веб, мобайл аппликэйшн, десктоп аппликэйшн, хиймэл оюун ухаан, метавэйрс, блокчэйн сэдвийн хүрээнд нийт 12 бүтээл өрсөлдөж багууд аваргуудаа тодрууллаа. Шүүгчдийн бүрэлдэхүүнд ГЭРЭГЭ СИСТЕМС ХХК-ийн технологи хариуцсан захирал Ч.Мөнхдалай, СМАРТ ЛОЖИК ХХК-ийн технологи хариуцсан захирал Ө.Азамат, ЧИМЭГЭ СИСТЕМС ХХК-ийн ахлах инженер Ц.Бат-Оргил нар ажиллаж ач холбогдол, технологийн шийдэл, инновац шингэсэн байдал, тогтвортой ажиллагааг зэргийг үнэлж  шилдэг 3 бүтээлийг шалгарууллаа.

Бүтээлийн төрөлд ШМТДС-ийн Soft-tech баг BacterAIfy бүтээлээр 1-р байр, МУИС-н ChubbyChubby Petger бүтээлээр баг 2-р байр, ШМТК-ийн Green House баг Автомат усалгааны систем бүтээлээр 3-р байрт шалгарлаа.

Улсын оюутны программчлалын XXXII олимпиадад оролцсон нийт оюутан сурагчид, дасгалжуулагч багш нар, бүтээлийн уралдаанд оролцсон багууддаа цаашдын сургалт судалгаанд нь амжилт хүсье.

ТАЛАРХАЛ

Улсын оюутны программчлалын XXXII олимпиадыг зохион байгуулахад хамтран ажилласан Монголын мэдээлэл зүйн олимпиадын хороо, Job fair үйл ажиллагаа, бүтээлийн уралдааны шүүлт,  ивээн тэтгэгчээр ажилласан ГЭРЭГЭ СИСТЕМС ХХК, СМАРТ ЛОЖИК ХХК, ЧИМЭГЭ СИСТЕМС ХХК-ийн хамт олон удирдлагуудад талархал илэрхийлье. Улсын оюутны программчлалын XXXII oлимпиадын оролцогчдод ажлын байрны урилга гардуулж мэдээлэл технологийн салбарын хөгжилд үнэтэй хувь нэмэр орууллаа.