ММЗОХ Нэг. Ерөнхий зүйл
1.1. Программчлалын олимпиадыг 2025 оны 4-р сарын 25-наас 27-ны өдрүүдэд МУБИС-ийн Математик, Байгалийн Ухааны сургуулийн Мэдээлэл зүйн тэнхим дээр зохион байгуулна.
1.2. Сургууль бүрийн олимпиадад оролцох баг нь 3 оюутан, удирдан оролцуулах багштай байна. Нэмэлт баг байгаа бол мөн 3 оюутантай байна.
1.3. Багийн бүрэлдэхүүнд оролцох оюутан нь тухайн сургуулийн үндсэн оюутан байх ба одоогоор сураагүй, чөлөө авсан болон сургуулиас гарсан оюутныг оролцуулж болохгүй. Хэрэв оролцсон нь батлагдвал багийн нийт оноог хүчингүйд тооцно.
1.4. Олимпиадад мэдээллийн технологи, программ хангамжийн мэргэжлээр их дээд сургуулийн оюутнууд хоёр өдрийн турш 6 (нэг өдөр 3 бодлого) бодлого бодож өрсөлдөнө.
Хоёр. Зохион байгуулалт
2.1. Олимпиадад сургууль бүрээс 3 оюутан, 1 дасгалжуулагч багш бүхий нэг баг оролцоно.
2.2. Нэмэлт нэг баг байж болох ба мөн 3 гишүүнтэй байна.
2.3. Багийн мэдүүлгээ 2025 оны 4 дүгээр сарын 21 хүртэл бүртгэх ба багийн мэдүүлгийн албан бичгийн цахим хуулбарыг battogtokh@msue.edu.mn хаяг руу явуулах ба техникийн зөвлөгөөнд ирэхдээ цаасаар авчирч өгнө. Мэдүүлэгт:
- Багийн гишүүдийн болон багийн дасгалжуулагч багшийн мэдээлэл байна.
А. Багийн гишүүдийн мэдүүлэг
Багийн нэр: _________________________________
| № | Овог | Нэр | РД | Тухайн сургуульд элссэн он | Одоо суралцаж байгаа курс | Утас | Ямар хэл дээр программ бичих |
| 1. | |||||||
| 2. | |||||||
| 3. |
Б. Багийн дасгалжуулагчийн мэдүүлэг
| № | Овог | Нэр | Сургууль, тэнхим | Албан тушаал, цол, зэрэг | Утас | Э-мэйл хаяг |
| 1. |
2.4. Олимпиадыг олон улсын мэдээлэл зүйн олимпиадын автомат системээр явуулна.
2.5. Техникийн зөвлөгөөн болон практик уралдаан 2025 оны 4-р сарын 25-ы өдрийн 16:00 цагт Мэдээлэл зүйн тэнхим дээр болно. Оролцох сургууль бүрээс нэг төлөөлөл заавал оролцоно.
2.6. Үндсэн баг-300,000 төгрөг Нэмэлт баг-1,000,000 төгрөг. Хураамжийг бүртгүүлэхдээ бэлнээр эсвэл Мэдээлэл зүйн боловсролын тооцоолол нийгэмлэг НҮТББ (Монголын Мэдээлэл зүйн олимпиадын хороо, ММЗОХ)-ын дансанд /Данс: ХААН банкны 5431489471, Байгууллагын РД: 6838022 / тушааж баримтыг авчирна.
2.7. Бодлого сонгох комиссыг оролцогч их сургуулийн багш нарын төлөөллөөс оролцуулан ММЗОХ байгуулах ба уг комисс нь дэвшигдсэн бодлогоос хэрэлцэн сонгоно.
2.7. Оролцогч сургуулиуд бодлого дэвшүүлэх ба бодлогын нууцлалыг хангах үүрэгтэй. Хэрэв бодлого задарсан нь тогтоогдвол тухайн сургуулийн багийн бүх гишүүдийн оноог хүчингүйд тооцно.
Гурав. Шагнал урамшуулал
3.1. Оролцогч оюутнууд хувийн амжилтаар өрсөлдөнө. :
- I байр 1 оюутан, Алтан медаль, диплом, мөнгөн шагнал
- II байр 2 оюутан, Мөнгөн медаль, диплом, мөнгөн шагнал
- III байр 3 оюутан, Хүрэл медаль, диплом, мөнгөн шагнал
3.2. Оролцсон багуудыг гишүүдийн амжилтаар буюу тухайн багийн гишүүдийн авсан нийт оноогоор байр эзлүүлэн сургуульд батламж гардуулна.
- I байр 1 баг, диплом
- II байр 1 баг, диплом
- III байр 1 баг, диплом
Дөрөв. Олимпиадад дэвшүүлэх бодлогод тавих шаардлага
4.1. Олимпиадад мэдээллийн технологийн чиглэлийн их дээд сургуулийн багш, программчлалын мэргэжилтнүүд бодлого дэвшүүлнэ.
4.2. Бодлого /өгүүлбэр, тест, программын код/-ыг нууц үгтэйгээр багцлан тухайн өдрийн өглөө 08:00 цагт ulambayar@msue.edu.mn /Лавлах утас: 99044079/ хаягаар ирүүлсэн байна.
4.3. Бодлого сонгох өдрийн өглөө нууц үгийг сонгох комиссын гишүүн холбоо барьж авах тул бодлого дэвшүүлэгч нь бодлого сонгох өдрийн 08:00-10:00 цагийн хооронд утсаа нээлттэй байлгах үүрэгтэй.
4.4. Бодлогын өгүүлбэр тодорхой, хоёрдмол утгагүй, ойлгомжтой томьёологдсон байна.
4.6. Бодлого нь нэг хариутай эсвэл олон хариутай бол бодлогын зохиогч бодлогын чейкрийг ирүүлсэн байна.
4.7. Бодлогын оролтын файлуудыг input??.txt хэлбэрээр, гаралтын файлуудыг output??.txt гэж нэрлэсэн байна. Энд ?? нь 00, 01, 02, …, 99 хүртэлх тоог төлөөлнө. Бодлогын тест 10-аас цөөнгүй байна.
4.8. Бодлогын өгүүлбэрт өгөгдлийн хязгаарлалтууд тодорхой, дэд бодлогуудад хуваагдсан байна. Дэд бодлого бүрийн оноо болон тестийн тоог тодорхой заасан байна.
4.9. Бодлогын тестийн форматыг өгүүлбэрт тодорхой заасан байх ба зохиогчийн тестийн файлууд нь уг форматыг зөрчөөгүй байна.
4.9. Бодлого нь иж бүрэн /өгүүлбэр, тест, программын код, чейкер/ бөгөөд бодлогын шалгуур үзүүлэлтийг хангасан үед бодлогын сонголтод оруулна.