Улсын программчлалын 33 дугаар олимпиад өнөөдөр нээлтээ хийлээ.
Улсын программчлалын 33 дугаар олимпиад 2025 оны 4 дүгээр сарын 25-ээс 27-ны өдрүүдэд МУБИС-ийн МБУС-ийн Мэдээлэл зүйн тэнхим зохион байгуулагдаж байна.
Улсын мэдээлэл зүйн 33 дугаар олимпиадыг ЦХИХХЯ, ЮНИТЕЛ ГРУПП ивээн тэтгэж, хамтран ажиллаж байна.
Олимпиадад МУБИС-ийн МБУС, МУИС-ийн МТЭС, ШУТИС-ийн ХМТС, ШМТДС, Мандах ИС, СЭЗИС, ШМТК гэсэн 7 сургуулийн 11 багийн 33 оюутан шалгаран оролцож, ур чадвар, эрдэм оюунаа уралдуулан өрсөлдөх юм. Тус олимпиадад МУИС-ийн МТЭС, ШУТИС-ийн ХМТС, ШМТДС, Мандах ИС-аас тус бүр 2 баг оролцож байна.
Оролцогчдыг курсээр нь авч үзвэл 1 дүгээр курсийн 6, 2 дугаар курсийн 10, 3 дугаар курсийн 11, 4 дүгээр курсийн 6 оюутан оролцож байгаа юм.
Олимпиадын гол үйл ажиллагаа болох оролцогчдын бодлогын шийдэл, бодолтыг үнэлэхэд олон олимпиадын улсын цахим шүүлтийн системийг ашиглан явуулна. Зохион байгуулалтын ажилд ММЗОХ-оос 20 гаруй багш, ажилтан, оюутнаас бүрдсэн баг ажиллаж байна.
Улсын мэдээлэл зүйн 33 дугаар олимпиадад оролцогчдодоо уралдаандаа амжилттай оролцохыг зохион байгуулагчдын зүгээс хүсэн ерөөе.
2025.04.26